November 18 leh 22 inkarah Sipai Lak Runpui chu Aizawl RG Stadium-ah neih a ni leh dawn a. He mi chungchanga inpuahchahna hrang hrangte endikin vawiin chawhma khan Aizawl Dc's Conference hall-ah Bawrhsap Pu Vanlalngaihsaka kaihruaiin sawrkar mi pawimawhte leh Salem Veng khawtlang hruaitute an thu khawm.

Army Recruitment Rally Aizawl 2019 chungchang sawhonaah hian Col Suresh Nair, ARO, Mizoram chuan  sipai lak runpui nei tura inpuahchahna te a sawiin Mizo thlai tam zawk Sipai a an luh theih nan hmun hrang hrangah Pre-Recruitment Rally te neih a ni tawh a ti a.  Kumin November thlaah Aizawl RG Stadium a neih tur Sipai Lak Runpuiah hian Sipai pangai, Clerk leh Tradesman post te chu kumin September 19 atang khan Online a dil theih a ni a. Tun thlengin mi 1177 chiahin dilna an la thehluta, dilna thehluh theih hun hi November 2 hian khar a ni dawn a ni.

Army Recruitment Rally Aizawl 2019 nei tur chungchanga inhmuhkhawmnaah hian a thlengtu, Mizoram Sawrkar aiawhin Department hrang hrang ten tihtur an in sem a.  November 9 zing dar 10.00 heng department te hian briefing nei turin RG Stadium kawtah  an in hmu khawm leh dawn a ni.