Vawiin khan Venghlui Central Hall-ah DC Office, Census Cell, Aizawl kaihhruainain National Population Register (NPR) updation training neih a ni. Training hi 16.10.2015 leh 19.10.2015 khan neih a ni tawh a. Aizawl khawpui chhunga Enumerators 765 te tan training hi buatsaih a ni.

NPR Updation hi October 15 atanga November 16 chhungin veng tina Enumerators-te’n in tin fang chhuakin an nei dawn a. Hemi chhung hian mimal tinte chu NPR-a an lo inziah luh danah siamthat ngai a awm chuan siamthat tir tur a ni a, chhungkaw member thar leh chhungkaw awm tharte pawh ziah luh tur a ni.

NPR hi India rama chengte chhinchhiahna a ni a. Census 2011 neih rual khan NPR hi neih a ni a, mimal tinte chu an nihna kimchang - hming, pa/nu hming, pian ni leh thla, address etc leh Aadhar No. nei tawhte tan an Aadhar No. leh chhungkaw Ration Card No. te ziah luh tur a ni.

DC Office, Census Cell, Aizawl chuan NPR Updation neih chhung hian veng tina YMA leh Local Council-te tawiawmna a ngen a ni.