Aizawl Khawpui chhungah lirthei che vel leh ke a kal te ziaawm lam aiin pun lam a pan tial tial a, hei hian Traffic Jam a thlen nasa a, kawngpui a pung ve thei si lova chuvangin, mitinte him tlan nan a hnuaia tarlan te hi ngai pawimawha zawm theuh turin Traffic SP chuan a ngen a ni.

(1) Aizawl khawpui chhungah Sorkar Department/ Kohhran/ Pawl (Association)/ Mimal tu pawhin programme/function/meeting/rally Traffic nghawng thei khawp an neih dawn chuan a hma ni thum aia tlai lovah SP, Traffic hnenah ziakin an hriattir thin tur a ni. Mahni duh dan leh mahni thu thu in lirthei tlan dan lo tih danglam te, kawng block te tih loh tur a ni.

(2) Aizawl khawpui chhung kawngpui leh mahni veng chhung kawngte hi Sorkar ta anih angin mahni ta anga en theuh tur a ni in kawngpui ah bawlhhlawh paih te, chil chhak te, Insakna bungrua dah hnawk te, rod chhut te, motor sil te tih loh tur a ni.

(3) Chhiatrupna thil thleng entiman; Leimin, Inchim, Inkang leh a dangte a lo thlen changin lirthei tlan dan phung pangngai a tihbuai theih thin avang leh chhanchhuahna hna thawktute chet velna tih ziaawm a tul bawk thin avangin Aizawl Traffic Control Room Telephone No. 0389-2322307 ah hriattir vat thin nise.

(4) Hriattirna leh Ngenna ni 9.10.2015 a lo chhuah tawh angin kawngdunga lirthei dah te engemaw thulh/rikrum thil (emergency) a Traffic Police ten an biak pawh zung zung theih nan lirthei khalhtu/neitu ten chiang taka hmuh theih turin Motor Dashboard-ah emaw Windshield-ah emaw anmahni biak pawh theihna tur phone number dah/tarlang turin lirthei neitu/khalhtu zawng zawng te ngen nawn leh hriattir an ni.