Vawiin khan Synod Conference Hall-ah Disaster Management & Rehabilitation Department bultumin International Day of Disaster Reduction chu hman a ni a, Pu P.C. Lallawmsanga, IPS, Principal Secretary DM&R Department in a hmanpui a ni.

Sawrkar laipui in kumin atan he ni denchena thupui a thlan chu ‘Women & Girls: the (In) Visible Force of Resilience’ tih a ni a. Thupui hmang hian Pi Zoramthangi Chhangte, CDPO, Aizawl Urban; Pu Dominic Lalhmangaihzuala, State Project Officer leh Pi Vanlalruati, Lecturer, SCERT te chuan paper an presen, an paper te chu he hunah hian zirho a ni.

Vawiin programme ahhianSchoollehCollegehrang hrang zirlaite, NCC, Scouts & Guides leh tlawmngai pawl hrang hrang aiawh te an tel a ni.

Kumin International Day of Disaster Reduction pual hian National Institute of Disaster Management, New Delhi chuan ram pumah sikul zawng zawngte tan School Safety Plan Competition a buatsaih a. He inelna ah hian K. V. Multipurpose School Durtlang in an School Safety Plan siam chu ram pumah School Safety Plan tha thlanchhuah zingah telin October ni 10, 2012 khan New Delhi-ah lawmman hlan a lo ni tawh a ni.