Ministry of External Affairs hnuaia mi, Minis Passport Seva Kendra (Passport Office), New Secretariat Complex ami chu hnathawh theih chin tihbelhin Passport nei tawh saten re-issue, renew leh chhan hrang hrang avanga booklet thar an dilna process thei tura tih a ni.

Sorkar laipuiin Passport Seva Project a ruahman zulzuiin India Hmarchhak State hrang hrang tinah Passport Office (Seva Kendra Office) hi dah tura hma lak a ni a. He ruahmanna ang hian Hmarchhak State zawng zawng khaitu, Guwahati-a Regional Passport Office hnuaiah Guwahati-ah hian April ni 17 khan Passport Seva Kendra hi hawn a lo ni tawh a. Chutiangin tunah hian Minis Passport Seva Kendra (population tlem avanga ‘mini’ tia vuah) hi Aizawlah din a lo ni leh ta a. Hei hi Mizo Officer ngeiin a ho mek a ni. He office hian technical thil avangin a nih tur ang tak la ni lovin official-a hawn la ni lo mahse Mizo mipuite awlsamnaturina theih ang anga hna tan chhoh mek a ni. Hmarchhak state dang dangah pawh Aizawla office ang hi din chhoh tura hma lak mek a ni.

Aizawl-a Passport office hian re-issue, renew leh passport booklet thar dilna a khawih theih loh thin avangin passport service mamawhte chuan online registration tiin, anmahni ngei Guwahati-ah an kal a ngai thin a. Tuna tang erawh chuan hmanhmawh zual bik tih loh chuan Aizawl office atangin an dil thei tawh dawn a ni.

Passport office hi heng No. atang hian biak theih a ni :-

Office – 2333060/2333022; Fax – 2333115; email : minipsk-azl-mz@nic.in