Vawiin khan Chief Minister Pu Lal Thanhawla hovin a office a cabinet roomah Medical College din tur chungchang leh Cancer Hospital din dan tur leh Falkawna Civil Hospital sawn chungchanga hmalak zel dan tur sawihona neih a ni.

Chief Minister chuan Aizawl Civil Hospital hi an hun hmasa atanga Falkawna sawn tum tawh anih thu a sawi a. Medical College din tur leh Cancer Hospital din tur chungchang baka Aizawl Civil Hospital sawn tur chungchangah chak zawka hmalak dan tur ngaihtuah ho tura meeting hi koh anih thu a sawi a. Vawiina sawihonaah hian Falkawna Referral Hospital luah chilh tur chuan quarter te leh building pawimawh dangte thawm that ngai anih thu sawilan a ni a. Medical College din turin central lam hotu ten din phalna lak hmasak phawt a, chumi hnuah manpower leh thil tul dang awm ang ang  te nen kalpui mai tura an rawnna chu bawhzui mai nise an ti a. Cancer Hospital din tur hi tunah hian TB hospital a hman hman thin chu cheibawl tan mek a ni a, governing body tur din tum mek anih thu tarlan bawk a ni.

AizawlCivilHospitalsawn chungchangah Chief Minister chuan department 5 tal chu tun krismas hma ngeia suan phei theih nise a duhthu a sawilang a. Hei hi a theih anga bawhzui an remti a ni.

Committee chuan heng thil pathum sawiho te hi chak taka bawhzui anih theih nan a hrang theuhin working committeesiamnise ati bawk a ni.

Meetingah hian Pu C.L. Ruala, MP, Pu S.Laldingliana, Pu T.P. Khaund, Principal Adviser, Pu L.R.Thanga, Principal Secretary to Chief Minister, Pi Esther Lalruatkimi, Secretary, Health leh Health department hotute an tel a ni.