Pu Zodintluanga, PHE & UD&PA Minister-in Mizoram mamawh thlena Minister for Drinking Water & Sanitation Pu Chaudhary Birender Singh a office-a a tlawhnaah Pu Zodintluanga hnenah Union Minister hian Cheng Nuai 1491.75 sanction order a lo hlan.

Sorkar laipui programme lian Smart Cities Mission, Atal Mission for Rejuvenation and Urban Transformation (AMRUT) leh Housing for All hawnna hmanga Delhi-a cham mek Pu Zodintluanga chuan ni 26.6.2015 hian Ministry of Drinking Water & Sanitation Minister Pu Chaudhary Birender Singh chu hmuin Mizoramin project hrang hrang a neihte leh Mizoram harsatna hrang hrang a neihte a sawipui a. Swachh Bharat Mission (Gramin) leh National Rural Drinking Water Programme (NRDWP) hnuaia Mizoram tana pawisa ruahman Cheng nuai 1491.75 sanction-na lehkha Union Minister Pu Chaudhary Birender Singh hian PHE Minister Pu Zodintluanga hi a lo pe nghal a ni.

Pu Zodintluanga chuan Pu Chaudhary Birender Singh chu Mizoram tlawha lo zina Mizoram hmasawnna leh harsatnate hmuhpui turin a sawm nghala, Union Minister chuan remchang hmasa berah lo zin a tum thu Minister Zodintluanga hi a lo hrilh a ni. Union Minister Pu Chaudhary Birender Singh hi Panchayati Raj Ministry enkawltu a nih tel bawk a vangin Pu Zodintluanga chuan Mizorama Village Council te chuan Finance Commission Grants an dawn ve tak loh avangin Villge Council institution-in harsatna a tawh mek thu a thlen nghal bawk a ni.

Union Minister leh Pu Zodintluanga te inkawmnaa Mizoram tana cheng nuai 1491.75 sanction a dawn hi Swachh Bharat Mission (Gramin)-ah cheng nuai 332.31 a ni a, National Rural Drinking Water Programme (NRDWP)-ah cheng nuai 1159.44 a ni.

Naktuk 27.6.2015 hian Minister Pu Zodintluanga hian DoNER Minister Dr Jitendra Singh chu Mizoram project hrang hrangte sawipui turin hmuh leh a tum a ni. Minister hi Dr C Vanlalramsanga, Secretary, UD&PA; Pu Ranbir Singh, Resident Commissioner; leh Pu Valbuanga, Program Director, SIPMIU ten an tawiawm a ni.