Kumtina India rama “Nungcha Humhalh Hapta”(Wildlife Week) hman thin anih angin Environment & Forest Department, Mizoram pawhin October hapta hmasaber (1-7 Oct, 2013) chhung hian “Nungcha Humhalh Hapta”, vawi 59-na an hmang dawn a ni.
He hapta denchhen hian Mizorama zirna in hrang hrangah nungchate humhalh pawimawhna inzirtir nan beihpui thlak a ni a. Aizawl chhunga College-te tan Essay Writing Competition an buatsaih mek a, High School leh College tan Poster Competition an buatsaih bawk. He hapta hman anih chhung hian a duh apiang tan sahuan a thlawnin tlawh theih a ni ang.
He Hapra bultanna’n Aizawl-ah chuan Environmental NGO’s leh High School zirlai thlan bikte’n Aizawl Sahuan (Aizawl Zoological Park) tlawhin ningcha humhalh pawimawhna in zirtirna hun hman a ni a. He hunah hian Pu Lalrinmawia IFS, Conservator of Forest, Wildlife chuan zirlai, ram ngahfakte’n nungcha humhalh pawimawhna an hriatchian a tul thu sawiin, thahnemngai taka nungcha humhalh hna thawkturinkalkhawmte a fuih a ni.
Aizawl Sahuan hi hectare 65 a zau niin, tunah hian nungcha chi hrang hrang (species) 60 lai awmin an vaiin nungcha 208 enkawl mek an ni. Nungchate bakah sahuan chhungah hian ram hmul (plant species) 150 lai a awm bawk.
