Vawiin chawhma dar 11 : 00 khan Saiha Press Club-ah M.J.A. Saiha leh AMFU Saiha District te buatsaih in “Nungcha humhalh programme” hman a ni.

He Nungcha Humhalh Programme hi Dr.Chawngkhuma Chawngthu, President AMFU Saiha District chuan a kaihruaia, programme hman anih chhan sawiin Pu F.Engnghaka’n a Satel Kg 21 a rit Rs 2500/-a a lei chu MADC Forest Department te hnena a hlan dawn vanga he programme hi buatsaih a nih thu a sawi a, Dr S.Hrachu, Honorary Wildlife Warden, MADC chuan hunserh a hman hnu ah Pu F.Engnghaka chuan Satel an lei dan leh an enkawl dan kimchang bakah tha lehzuala humhalh anih theih nan MADC (Forest Department) hnenah hian a hlan thu a sawi bawk.

He Satel hlanna programme a Khuallian Pu Thaly, DCF, MADC chuan thu sawiin he Satel hi engtia humhalh zel tur nge tih ngaihtuah thiam a har thu a sawi a, Kum 2012-ah kan hmuh ngai loh ram dai tur kan ni tih hria in ramngaw leh nungchate humhalh na kawngah nasa lehzuala tan la turin kalkhawm te chu a chah a, mihringte leh nungchate hi in mamawh tawn vek a Pathianin a siamte kan nih thu a sawi bawk. Heng Satel chi te hi Wild Life Protection Act Part II Schedule-I a awm te an nih thu sawi langin Ramsa humhalh kawnga sawrkarin dan leh hrai hrang hrang a siam te he hun ah hian Khuallian hian a tarlang nghal bawk ani.

Attachment

  • Loading attachment...