4304/2024-2025

Aizawl, the 18th February 2025: Vawiin khan H&FW Department hnuai a National Vector Borne Disease Control Programme (NVBDCP) te chuan DHME Auditorium, MINECO ah State Review Meeting an nei.

He hun hi Dr Hmingthanmawii, Director of Health Services in kaihruaiin, District hrang hrang atanga NVBDCP Staff kalkhawmte lawmna thu a sawi hmasa a. Dr Hmingthanmawii Director of Health Services chuan natna laka invenna kawnga sawrkar hmalakna hrang hrangte tha taka kalpui mek a nih thu a sawi a, Mizoram chu India ram state hrang hrang zinga Malaria tam na ber state a nih thu leh thawktuten kan awmna hmun theuh ah tha thlah lova kan beih takzet a tul zia te sawiin, Review Meeting hlawhtling tak nei tura a duhsak thu a sawi.

He State Review Meeting ah hian nikum 2024 chhung a heng natna : Malaria, Dengue leh Chikungunya a Mizoram dinhmun thlirletna Dr Chawngthanchhunga, Addl Director (Malaria) State Programme Officer (NVBDCP) hnen atangin ngaihthlak a ni a. Nikum chhung in Mizoram pumah Malaria vei zat hi mi 16899 awmin chung zinga 8950 te chu Malaria Pf niin, malaria natna avangin mi 7 in nunna an chan a ni. Nikum chhung hian kumdang zawng aiin Malaria Pv a pung ni a report a ni bawk. Kum2024 chhung hian Dengue vei hmuhchhuahzat hi mi 744 niin, Chikungunya vei hmuhchhuah zat hi mi 3 niin report a ni bawk.

Mizoram ah hian District 4 heng, Lawngtlai, Lunglei, Mamit leh Siaha District te hi Malaria tam zual bikna te an ni a, a bikin International Border – Bangladesh leh Myanmar ramri hrul ah te Malaria hi a tam zual ni a report a ni.

NVBDCP hnuaiah hian malaria natna laka invenna heng: thosilen damdawia chiahsa sem te, thosilen pangngai damdawi a chiah sak te leh chenna inchhung thosi hlo a kah te kalpui a ni.

He meeting ah hian District hrang hrang atangin District Malaria Officer leh NVBDCP hnuai a thawktu hrang hrangte kalkhawmin anmahni District theuh dinhmun leh hmalak tawh dan te presentation an pe a,  meeting hian naktuk February ni 19 thleng a awh ang.