4303/2024-2025

Siaha the 18th February 2025: Vawiin chawhma dar 11 khan DC Mini Conference Hall, Siaha-ah District Skill Committee te chu a Chairman leh District Bawrhsap nibawk Pu VL Hruaizela Khiangte hovin an thukhawm.

Pu VL Hruaizela Khiangte chuan District Skill Committee chu a pawimawh a, member-te leh kalkhawmte chu thalai hna nei lo tam tak ten eizawnna tlaka thiamthil an neih theih nana ngaituahna seng ho turin a sawm a, Siaha District thalai te sawrkar hna ringawta in nghat lova, thiam thil an neih te eizawnnan an hman theihna tura tanpui chu member-te tih makmawh a ni, a ti.

District Labour Employment Office, Siaha Deputy Director Pu Reuben Kompa, DSC Member Secretary nibawk chuan DSC chu Ministry of Skill Development & Entrepreneurship, SANKALP hnuaia awm a ni a ti a, District chhunga zirna in awm sa, Educational institution-te thuamchak a, thalai ten eizawnna tlak thiamthil an zirchhuah theih nana ngaituah ho tura ruahman a nih thu a sawi. Siaha Industrial Training Institute (ITI) ah trade thlan theih 5 a awm thu a tarlang a, Electrician, Computer Hardware & Network Management, Cosmetology, Computer Operator & Program Assistant leh Driver cum mechanic a nih thu te a tarlang bawk.

Vawiin meeting-ah hian DSC member te chu infinchhuah a, thawhhona tha tak nen district mamawh hrang hrang sawiho thin nise a ti a, ITI leh education institution danga zirchhuak te an dinchhuah ve theih nan awlsam zawka loan an hmuh theih nan ruahmanna siam te leh district a hlawhtlinpui theih tur trade thlan thiam a tul thu te tarlan niin April thla tir lamah thutkhawm neih leh nise a ti bawk.

Vawiin meeting ah hian District Skill Development Committee Member-te an kalkhawm a ni.