Ni 4 awh tur Coffee Convention Tourist Lodge Lunglei a buatsaih chu vawiin khan hawnna inkhawm neih a ni. NYK Lunglei te buatsaih Coffee COnvention hawnna inkhawm hi Pu MS Dawngliana, Director, R&D (BCM) in a kaihruai a, Pu H.Lalhmingthanga SDO (Sadar) chuan khuallian ni in he hun hi a hman pui a ni.

Khuallian chuan Mizote tan hian coffee chin hi kan tih awm tak a ni a, thing leh mau kan tih chereu avangin kan ram hi a lum in tui hna a kang chat mek zel a, he mi ven na atan hian coffee kan chin hian ram ngaw ti chhe lo a kan vawn that zawk tur thu a sawi a, kan hna thawhna kawng ah Sorkar rinchhan lo pawh a hlawhtling pui ngei tura riru kan put hi a pawimawh hle a ni, a ti. Kristian kan nih avang hian kan eizawnna kawngah kan tih mai mai a thiang lo a, vawin a lo kal te hi hlawhtling ngei tur a kan thawh theuh a pawimawh hle a ni a ti bawk.

Pu Zathangliana NLUP Nodal Officer pawhin kalkhawmte hnen ah coffee chin dan tha leh a hlawhtlin pui dan tur kawng te kawh hmuh na hun a nei a ni. He Coffee Convention ah hian Mizoram hmun hrang hrang atang bak ah Tripura lam atangin mi 100 vel in he hun hi an rawn hmang a, Coffee chin leh enkawl dan inzirtir mai bak ah a hralh chhuahna kawng coffee Board ten zirtirna pe in, Coffee ching hlawhtling tawhte a tang pawh in thusawi ngaihthlak a ni bawk a ni.