No.2432/2021-2022

Aizawl the 1st October, 2021: Kumin October thla chhung awh tur India ram fai leh thianghlim siam tura beihpui thlakna ‘Clean India Progarmme’ chu ram chhung hmun dangte rualin vawiin khan Nehru Yuva Kendra Sangathan (NYKS) Champhai chuan a kalpui tan a, vawiin chawhnu khan NYSK thawktute leh Volunteer-te chu NYKS Office, Bethel Veng Champhai leh a chhehvelte tifaiin an hnatlang a ni.

India ram pum huap faina kawnga inzirtirna leh hmalakna thla khat chhung kalpui tur Clean India Programme chu vawiin khan sawrkar laipui Ministry of Youth Affairs and Sports Minister Pu Anurag Thakur chuan Prayagraj-ah a hawng a. He campaign hmang hian India ram chu single use plastic awmlohna ram a siam tum a ni a. India khua leh tui, a bikin thalaite chu he campaign hi thlawpa a hlawhtlinna tura theihtawp chhuah turin a chah a ni.

NYKS Champhai chuan campaign hlawhtling tak neih a nih theih nan mitin thlengzo campaign kalpui a tum a. District Youth Officer Pu Dinesh Jangid chuan Plastic free district ni thei tura thawhhopuiah district mipuite sawmin, Clean India Programme hlawhtlinna turin mipuite tawiawmna a ngen nghal a ni. Khawtlang hruaitu YMA, Village Council, School, Government department leh Youth Club member zawng zawngte vawiin atanga tana October ni 31 thleng thahnemngai taka Clean India Campaign a tel turin a sawm nghal bawk a ni.

Attachment

  • Loading attachment...