No.2431/2021-2022

Aizawl, the 1st September 2021 : Vawiin khan Dr. Lalzirmawia Chhangte, IAS, Secretary, School Education Department hovin INSPIRE Awards Manak scheme hmasawnna tur Virtual meeting neih a ni a. He meeting-ah hian School Education Department hotute, SCERT, District Education Officer, SDEO leh District Council-a Education Officer-te an tel a ni.

Dr. Lalzirmawia Chhangte, IAS, Secretary, School Education Department chuan National programme tha tak hi hmang tangkaia, kan zirlaite national level mai ni lova international thlenga kan phochhuah theihna anih avangin, a hlawhtlinna turin kan buaipui leh kan ngaihsak a tul hle a ni, a ti. District level-a thawktu ten ngaihtuahna sengin, a hlawhtlina turin hma lo la chhunzawm zel turin a chah bawk.

Pu F. Lalliansanga, Science Consultant, SCERT & State Nodal Officer, INSPIRE Awards MANAK chuan power point presentation hmangin he scheme kalphung leh department mawhphurhna chi hrang hrang kimchang takin a sawi a, Mizoram atangin naupang 3506 laiin INSPIRE Awards MANAK an dawn tawh thu ngaihthlak a ni a. He lawmman dawng thei tur hian Mizoram atangin school 21.6% chiah in registration hi an la ti a ni, School la in register lo te hi registration ti vek turin beisei an ni a. He Award hi ni 15, October 2021 thleng dil theih a ni dawn a, hun tiam chhunga hma la turin District lama thuneitute ngen leh beisei an ni.

Zirlai naupang (Pawl 6-10) te tana hamthatna chi hrang hrang leh pawisa fai Rs. 10000/- (Cheng sing khat) an dawn theihna INSPIRE Awards Manak scheme hi Department of Science & Technology, Government of India, Flagship Programme pawimawh tak a ni a, SCERT Mizoram hi State Nodal Office niin DEO te nen thawk hovin he scheme hi an buaipui thin a ni. INSPIRE Award hian zirlai thiam thei leh talent nei tha te, naupang zawk an nih lai atanga an ngaihtuahna a taka chantir te, science thiamna leh research kal hmang te kawh hmuh a tum a ni.