Tukin zing dar 9:30AM khan Ram pum huap Hnam Inpumkhatna Ni ‘Rashtriya Sankalp Diwas’ chu District Playground, Siaha vaihpi-ah ropui leh urhsun taka hman a ni. 

Vawiin Hnam Inpumkhatna Ni pual hian  zirlai naupangte chuan Peace Rally (Run for Unity) an nei a, Mizoram Armed Police, Mizoram Police leh Mizoram Home Guard te bakah Government High School, Siaha te Goverment High School NCC te leh Bharat Scout & Guide, Don Bosco School naupangte chuan parade hmuhnawm tak an entir bawk a ni. 

Hnam Inpumkhatna Ni hmanna a khuallian Pu N. Zakhai chuan India inpumkhat nana kan ram hruaitu ropui Sardar Vallabhai Patel te, Pi Indira Gandhi te leh hruaitu ropui mualliam tawh te   inpumpekna leh thawhrimna te hre rengin, India ram impumkhatna hi engthil mahin a tihchhiat i phal lo vang u. Ram impumnkhatna vawng nungtu leh venghimtu ni theuh i tum zel ang u, tiin mipui kal khawm te chu a sawm a ni. 

khualzahawm Pi Harleen Kaur pawhin thu sawiin, India ram hmasawnna bulthut chu Ram chhung muanna hi a ni a, India ram chhung muanna hi a chhunga cheng  mipuite impumkhatna-ah a awm tih hi hre reng i la, India ram hi ka ta a ni a, a tih hmasawn leh venhim hi ka mawhphurhna a ni, tih hi vawiin kan hun hman hian  a tharin  kan rilru tuh nawn leh theuh rawh se, a ti.   

India ram zalenna kawnga sulsutu pawimawh ‘ Iron Man of India’ tih hiala an sawi thin Deputy PM hmasa ber Sardar Vallabhai Patel Piancham leh India hmeichhe zinga Prime Minister hmasa ber, Iron lady of India tih a an sawi thin Smt. Indira Gandhi Thi Ni hriatrengna leh zahna entirnan Pangparthi  hlanna hun khuallian Pu N. Zakhai, CEM, MADC  leh khualzahawm Smt. Harleen Kaur IAS, District Bawrhsap te chuan an hmang a ni. 

Vawiin Hnam Inpumkhatna Ni hmanna-a kalkhawmte chuan Khuallian Pu N.Zakhai, CEM MADC kaihruaina hnuaiah  Hnam impumkhatna Thutiam    (Rasthriya Sankalp Diwas -Pledge) an la bawk.

 

Attachment

  • Loading attachment...