Ramchhung hmun dangte rualin vawiin khan Rshtriya Sankalp Diwas chu Mamitah pawh hman a ni a. JNV Campus, Dinthar Veng atanga Bazarveng thleng Rally neih niin Pi Lalzikpuii, SDC, Mamit chuan Rally hi a vailiam a ni. 

Pi Lalzikpuii, SDC, Mamit chuan Rashtriya Sankalp Diwas hman anih chhan sawifiahin, India Prime Minister hlui Indira Gandhi puala he hun hi buatsaih thin a nih thu leh a nunah entawn tur tam tak India ram mipuite tan min hnutchhiahte hrerenga India ram chhungah muanna, tharum thawhna tello inunauna leh inpumkhatna siamtu ni turin leh Zirlaite chu nakina kan ram hruaitu turte an nih avangin an kutah kan ram dinhmun hi a innghat a. Buaina hrang hrangte chu tharum hmaga chinfel tum aiin Dan hnuaiah ngei chinfel a that zawk thu sawiin India ram tan theihtawp chhuaha rilru leh ngaihtuahna sengtu ni turin kalkhawmte a chah a ni. 

Bazarvengah hun tawi hmangin ram leh hnam inpumkhatna atan tharum thawhna tello a ngaihtuahna sengtu ni turin kalkhawmte hian Thutiam (Pledge) an nei bawk.