266/2022-2023
Siaha; the 25th April,2022: Vawiin chawhma dar 10:30Am khan Circuit House-ah May ni 5 a 12th MADC Election neih tura Observer atana ruat Pu R.Lalremsanga, Hnathial District Bawrhsap nilai chuan Sector Magistrate 5 te leh Flying Squad team te meeting a neihpui.

He meeting-ah hian Sector Magistrate 5 te leh Flying Squad team 2 leader ten an sector chhung theuhva an hmalak tawhna leh an findings te report an pe a, an hmachhawp te pawh huangzau taka sawiho a ni.

Pu R.Lalremsanga chuan 12th MADC Election hi election felfai, muanawm leh thianghlim tak a ni theih nan Sector Magistrate leh Flying Squad te mawhphurhna hi a sang em em a. Model Code of Coduct zawm that a ni em? Polling Station hi a nihna tur angin puahchah a ni em? Party leh Party inkarah leh khawtlangah boruak tha lo thleng palh thei a awm em? Kawng a tha em? Signal a tha em? ti te leh Inthlanna kaihhnawih thil pawimawh tam tak ngaihven tur a awm a ni. Presiding Officer a nervous lutuk avanga EVM operate dan lo theinghilh palh pawh lo awm se, tanpui thei tur khawpa EVM operate dan pawh in bel a ngai a, Harsatna eng emaw a lo thlen palh pawha nangmahni level atanga in solve thei nan in sector theuh chu in hriat hne hle a nga a ni, a ti.

Sector Magistrate leh Flying Squad team te meeting a neihpui hnu hian chawhnu dar 1:00Pm ah DRDA's Panchyat Resource Centre-ah Expenditure Team te leh Election agent te meeting a neihpui leh a, Candidate tin ten inthlan laia an sum hman theih zat bituk cheng nuai 2 aia tam hman phalh lo chungchang te, Expenditure chungchanga tih tur leh tih loh tur chungchang te chipchiar taka inhrilhhriatna hun hman a ni.