265/2022-2023
Aizawl the 25th, April' 2022 : Vawiin khan Deputy Commissioner & Chairman, District Disaster Management Authority, Lunglei District thupek angin District Level Committee for Implementation of Covid-19 Appropriate Behaviour (CAB) in Zirna In te CAB an zawm that leh that loh endik tura tih angin Lunglei Northern Area : Team- I te chuan Team Leader Pi Margaret J. Vanlalremmawii, Block Development Officer, Lunglei hovin Pukpui Govt. Middle School- I, Pukpui Govt. Primary School - I leh Zohnuai Govt Primary School te endik a ni.

Heng School ah te hian Covid-19 dan zawm tura tih social distancing zawm that leh that loh te, kut silna leh sanitizer hman theih an chhawp bakah school naupang ten class room-ah mask an vuah that leh that loh te endik a ni a. School endikna ah hian Pi Margaret J. Vanlalremmawii chuan zirtirtu leh school naupangten sorkar thupek CAB tha taka zawm theuh turin a chah a, dan zawm lo te chu pawisa chawitir a hrem theih an nih thu a sawi . Vawiina School endik te hian CAB an zawm tha tlangpui a ni. Lunglei District Covid-19 hripui laka kan him zel theihna turin District thuneitute chuan endiktu Team te hian a khat tawkin Zirna Inte chu CAB an zawm that leh that loh an endik thin dawn tih an sawi.