264/2022-2023
Aizawl, the 25th April 2022: Vawiin chawhma khan Dawrpui Multipurpose Hall-ah Planning & Programme Implementation, Department Government of Mizoram huaihawtin State Level Workshop on Localization of Sustainable Development Goals hman a ni a. Dr. Renu Sharma, Chief Secretary, Mizoram chuan khuallian niin he hun hi a hmanpui a ni.

He Workshop hawnna inkhawm tawi hi Pu Lalmalsawma Pachuau, Secretary, Planning Department chuan a kaihruai a. He hunah hian Pu Isak Lalmuanpuia, Economist, Planing Department hnen atangin SDGs chungchang inzirtirna leh Mizoram dinhmun tlangpui presentation ngaihthlak a ni. Workshop-ah hian Line Department sawm bik te, University leh college zirtirtu sawm bik te leh student te leh tlawmngai pawl hrang hrang te an tel a. Workshop hi session 2 ah then a ni.

Chawhnu session-ah hian Thupui then hrang hrang hmangin Panel Discussion neih a ni a, sawihona hi Pu Lalchhuanawma Hrahsel Sr. Consultant, SDGs in a kaihruai a. Pu Vanneihtluanga, Writer & Activist , Pu Zomuana, Community Institution & Rural Livelihood Expert. Green Ag: Project. GLUI Lunglei, Pu Lalfakzuala, Project Adviser, State Resource Centre for Women. Dte. Women & Child Development, Pu K. Lalmuansanga, President. ASEP leh Dr. Daniel Lalawmpuia, Asst. Professor. Pachhunga University College te chu Panelist an ni. He sawihonaah hian thupui then hrang hrang (i) Role of Civil Society in achieving SDGs. (ii) Decent Work & Livelihood: The Way Forward. (iii) Women Empowerment: Issues & Concern that can be achieved through SDGs. (iv) Environmental Issues & Challenges in Mizoram. (v) Role of Academia in achieving SDGs te zirchianna leh sawihona neih a ni.

Chawhnu session-ah hian Pu Harish Hande, CEO, SELCO Foundation, Bangalore chuan Solar Power Solution for meeting SDGs in Livelihood tih chu presentation nena tangkawpin a zirtir bawk a ni.