No.2740/2021-2022

Aizawl, 27th October, 2021 : Aizawl Municipal Corporation(AMC) Site Development & Slope Modification Regulation, 2017 chu October ni 29 hian Notification chhuaha hman tan a ni dawn ta a. Vawiin khan Pu R.Thanglura, Dy.Mayor hovin AMC Auditorium, Thuampui-ah he Dan zirhona hi neih a ni a. Town Planning hotute, Local Council member te leh technical lam mithiam te an tel a ni.

He khuahkhirhna Dan hi hman a nih hnuah chuan AMC huam chhunga leilai emaw, leivung hmanga khuar hnawh khah tur emaw neite chuan AMC ah phalna an lak hmasak a tul tawh dawn a. Inhmun emaw, thil danga avanga lei lai tur te chuan AMC hnuaia Technical License holder te ruaiin phalna an dil hmasak a ngai tawh dawn a. Phalna nei lova hma la te chu dan hmang hian hrem theih an ni tawh dawn bawk a ni.