No.2741/2021-2022
Aizawl 27th October, 2021 : Vawiin khan Darlak Community Hall-ah Cooperation Department huaihawtin Farmer Training neih a ni a. Pu Lalthangfala, District Cooperative Officer, Mamit-in he hun hi a hmanpui.

Vawiin hun hawngtu Pu Lalthangfala chuan thu sawiin Farming Society Member training chhimtute chu uluk taka training tura chahin Darlak-ah Vaimim leh Bekang chinna buatsaih a nih tur thu a sawi a, heng Vaimim leh Bekang tharchhuahte atang hian ran chaw siamna khawl Darlak-ah bun a nih tur thu a sawi bawk.

Training-ah hian Resource Person Pi Lalhruaizeli Focus Technical Officer, Agriculture Department, Mamit chuan Darlak loneitute hnenah Vaimim leh bekang chindan, a leilung sawngbawl dan tur bakah natna hrik laka enkawl dan tur hrang hrangah zirtirna a pe a. Kalkhawmte atanga zawhna hrang hrang an neihte Resource Person hian a chhang nghal a ni.

Attachment

  • Loading attachment...