No.2742/2021-2022
Aizawl, the 27th October 2021 : Vawiin khan Agriculture Skill council of India (ASCI) leh Indian Council of Agricultural Research (ICAR) bul tuma KVK Mamit District, Lengpui in Mamit District huam chhunga loneitu thlan bik te tan hapta khat inzirtirna 'Skill Training on Organic Grower', kharna hun chu KVK training hall Lengpui a buatsaih a ni.

Programme hi Dr Vanlalhruaia Hnamte Senior Scientist and Head in kaihruaiin, kal khawm te chu he training a an zir te hmang tangkai chhun zawm zel turin a chah. Course coordinator Dr Rebecca Lalmuanpuii Subject matter Specialist (Agro-forestry) in kal khawm te hi theory leh practical in zirtirna a pe thin a. Training kharna neih rual hian kalkhawm te hnenah thlasik thlai tiak, Changpat lei tha (Vermi-compost) 25kg theuh leh garden tools set khat theuh KVK Mamit District, Lengpui chuan an pe bawk.