No.2743/2021-2022
Aizawl, the 27th October 2021 : Lead Bank Office Lunglei chuan vawiin chhun dar 12:00 khan Bazar YMA Hall Hnahthial-ah Credit Outreach Campaign an nei a, hetah hian Scheme hrang hrang PMEGP, PMSVANidhi, PMMY, SUI, ECLGS, AIF & ASF bakah Insurance Schemes chungchang inzirtirna neih a ni.

Pi Lalremsangi, Chief Manager, Lead Bank chuan Credit Outreach Campaign programme hi sawrkar laipui Ministry of Finances lama ngai pawimawh takzet thu sawiin bank awm lohna hmunah te, mipui vantlang tana hmasawnna chi hrang hrang a thlen theihna atana department chelhtute hi loan leh insurance scheme chi hrang hrang hrilhfiahna hun hmang tura min tih angin hun kan rawn hmang a ni a ti.

He hunah hian Pu Lallianhluna Branch Manager Mizoram Cooperative Apex Bank chuan PMEGP chungchang zirtirna a nei a, Pu Denis Lalsiamtluanga, Branch Manager Mizoram Rural Bank in PMSVANidhi leh PMMY chungchang a zir bawk a, Pu Maichael Zothanpuia, Branch Manager State Bank of India in SUI leh ECLGS chungchang a zirtir bakah Lead Bank Manager Pi Lalremsangi'n AIF, AHF leh Insurance Scheme chungchang a zirtir a ni.