No.2744/2021-2022
Aizawl 27th October, 2021 : Vawiin khan DC Conference Hall, Mamit-ah Dr. Lalrozama, IAS, Mamit District Bawrhsap hovin PMAY Housing For All leh Self Employment Programme (SEP) hnuaia Loan thlirletna leh hmalak zel dan tur ngaihtuahin thutkhawm a ni.

Meeting kaihruaitu Dr. Lalrozama chuan heng scheme hrang hrang hnuaia Loan dilna lutte chu mi harsa zawkte dawmkanna tura hmanraw pawimawh tak anih avangin Bank lama thawktute pawh theihtawpchhuah turin a ngen a. An hlawkna tur chauh ngaihtuah lovin a him chinah heng scheme hrang hrangte a hlawhtlin theih nana theihtawpchhuah turin a ngen bawk.

Vawiin Meeting-ah hian PMAY-HFA (Urban) Mamit District CLSS Loan 2021-22 hnuaia dilna lut zawng zawng hi 65 awmin heng zinga 52 thlanchhuah chu thlirho a ni a. Dilna lut zingah hian SBI Mamita Bank Account nei mi 13, SBI Zawlnuam mi 6, MRB Mamit mi 30 leh MCAB Mamit mi 3 an ni. Self Employment Programme (SEP) hnuaia Loan dilte chu Bank 3, SBI Mamit, MRB Mamit leh MCAB Mamit-ah mi 10 theuha insemrual tura pawm tlan a ni bawk.

Kumin kum kallai mek 2021-2022 chhunga PMAY-HFA diltu Mamit 12 leh Zawlnuam 1 an vaiin mi 13 reject te hi an dilna-ah thil fel tawk lo, over age, LSC dik lo, Document kim lo leh BLC lo dawng tawh te an nih avangin an dilna hi hnawlsak anih thu Meeting-ah hian tarlan a ni bawk.

Vawiin Meeting-ah hian Mamit khawpui chhunga Bank Manager te leh Nodal Department Officials te an tel a ni.