RTI Week 2018 hman dan tur chungchangah vawiin khan State Chief Information Commissioner Pu Lalduhthlana Ralte chuan a office-ah meeting a ko a. Right to Information(RTI) Week Celebration, 2018 chu kumdang ang bawkin kuminah pawh October Ni 5 leh Ni 12 inkarah hman a ni leh dawn a. RTI Hapta chhung hian RTI chungchangah mipui zirtirna leh inhrilhhriat thar lehna kalpui a ni dawn a ni.
CIC hova RTI Week hman dan tur chungchanga inrawnkhawmnaah hian State Information Commissioner Pu Zorammawia bakah Mizoram Information Commission Official te leh Nodal Department - Information & Public Relations Department Official te an tel a. RTI Week hawnna hi a hmasa berin Aizawlah October Ni 5 khian neih a ni dawn a. Chumi hnuin District khawpui zawng zawngah te pawh hman a ni dawn a ni.
