Vawiin chawhma khan DC Chamber, Lunglei ah Lunglei, Tlabung leh Hnahthial Town te Open Defecation Free (ODF) nih Swachhata Certificate puanzarna Lunglei Bawrhsap Pu K.Lalrohlua'n a nei. 

Pu K Lalrohlua chuan Lunglei District dinhmun thlir a hetiang a ODF a puan theih a kan awm hi UD&PA department hmalakna bakah tlawmngai pawl hrang hrang VC leh mipuite tawiawmna vang a ni a ti. ODF hi Quality Control of India ten endik in an pawmpui hnu ah Swachhata Certificate hlan an ni a, he hi thla ruk(6) chhung nung in Lunglei , Tlabung leh Hnahthial mipui ten ODF kan neih zel theihna turin mipui tawiawmna leh theihtawpa sorkar hmalakna kengkawh a tan la zel turin mipuite a chah a ni. 

Pu Andrew Lalhruaia, DUDO, UD&PA Department in an hmalakna te tarlangin, Swachh Bharat Mission (Urban) chu 20th May 2015 ah hawnna neih a ni a, Press Meet, Awareness Campaign leh Cleanliness campaign te neih a ni a. Individual Household Latrine 150 sak a ni a, vantlang inthiarna 10 leh vantlang zunin 20 siam a ni tih a sawi. Hoarding 8 tar a ni a, Preleminary Resolution chu ni 13.12.2016 ah neiin Final puanzarna chu Deputy Commissioner leh Chairman ni bawk hriatpuina in  ni 9 January 2017 ah neih niin, Third Party  hmalakna in Quality Control of India te chuan endikna neiin pawmpui hnuah Swachhata Certificate chu 24th May 2017 ah pek a ni. 

Tlabung ah pawh ni 5 Febuary 2016 ah hawnna neih a ni a, Open Defecation Free nih theih nan awareness campaign neih a ni a, Third Party te hmalakna in Quality Control of India in an endikin an pawmpui hnu ah ni 27 May 2017 ah Swachhata Certificate pek a ni. 

Hnahthial ah pawh ni 9 Febuary 2016 ah hawnna neih a ni a, Swachh Bharat Mission hnuaia awareness campaign  te neih a ni a, Third Party hmalakna in Quality Control of India ten endikin an pawmpui hnu ah ni 25 May 2017 ah Swachhata Certificate pek a ni.