Revenue Minister Pu R. Romawia hovin vawiin khan Directorate of Land Revenue & Settlement Conference Hall-ah Revenue directorate leh district hrang hranga thawktute tan Stamping Machine hman dan zirhona neih a ni.
Revenue Minister chuan State sum lakluhna hnar pawimawh tak pakhat chu Stamp Duty a nih thu sawiin, Stamping Machine thar chu khua leh tui ten awlsam zawka stamp duty an pek theihna tur leh kalphung felfai leh langtlang zawk neihna a nih tur thu a sawi a. Minister chuan Revenue Department a hna thawktu zawng zawngte chu rinawm leh taima taka hna thawk turin a chah bawk.
Training hi Forbes Technosys, Mumbai atanga lo kal mithiam ten an pe a. Stamping Machine hi Aizawl, Lungiei, Champai, Serchhip, Kolasib leh Mamit District-ah te dah tur a ni a.
