Mizoram sorkar chuan thlasik lo thleng leh tur chhung atan office kai hun October 15, 2012 atanga February 15, 2013 chhung atana hman turin a ruat thar leh ta a. Hemi chungchanga GAD in thuchhuah a siam ang chuan Mizoram chhunga sorkar office leh sorkar hnuaia office peng hrang hrang office kai hun chu zing dar 9:30 atanga tlai dar 4:00 a ni ang. Mizoram sorkar hnuai khawpui hrang hrang - Delhi, Kolkata, Mumbai leh Bangalore a Mizoram House te tan office kai hunchhung tur chu zing dar 10:00 atanga tlai dar 5:00 thleng a ni ang a, Hmarchhak state bika Mizoram House Guwahati, Shillong leh Silchar ah te chuan zing dar 9:30 atanga tlai dar 4:00 chhhungin office an kai thung ang.

Office kai hunchhung hian hnathawh ni Thawhtanni atanga Zirtawpni thleng a huam dawn a ni.