Vawiin chawhnu khan New Secretariat Conference Hall-ah Union Home Minister leh mi pawimawh dangte lo mikhual tura state sawrkar inpuahchahna te chu Chief Secretary Pu Lalmalsawma hovin sawrkar mi pawimawh ten an thlir ho. 

Ruahmanna awmsa ang chuan Union Home Minister Pu Rajnath Singh leh Union Minister of State for Home Pu Kiren Rijiju te chuan tun thla chhung hian India leh Myanmar ramri chungchangah Mizoram an rawn tlawh dawn a. Anni rual hian Myanmar nena ramri intawm India hmarchhak state 3 a Chief Minister te bakah sawrkar mi pawimawh tak tak te an rawn kal dawn a. Pu Rajnath Singh hian a cham chhungin Aizawlah meeting pawimawh tak tak te a neih dawn bakah Mizoram ramri dep a hmun thenkhat te a tlawh dawn a ni.