Mizoram leh Lawngtlai District chhungah ran natna hri PRRS leh swine fever a leng leh tana hriat a nih avangin, he’ng natna laka ran vulhte leh mihring hriselna a lo him zawk theih nan Lawngtlai DC, District Magistrate ni bawk Dr A. Muthamma IAS chuan CrPC section 144-na tlawh chhanin Lawngtlai District chhungah thenawm ram Myanmar leh Bangladesh atanga vawk leh ar leh a sa atanga thil siam reng reng lak luh a khap a. He thupek hian chhuah a nih (26.05.2017) atanga thla hnih  chhung a huam ang a. Thupek zawm lo leh pawisa lote chu IPC section 188-na hmanga hrem an ni ang.