Rampum huap tuialhthei leh ei rawngbawlna gas renchem hun ‘Oil & Gas Conservation Fortnight’ 15 - 31 January, 2010 chu ramchhung hmun dangte rualin Aizawl-ah pawh hman tan ve a ni a. Hemi pual hawnna inkhawm hi FCS&CA Minister Pu H.Rohluna hovin I&PR Auditorium-ah neih a ni.
Fortnight hawnna inkhawm FCS&CA Director Pu Lallungmuana kaihhruaiah hian thusawiin Minister chuan oil leh gas renchemna hun bik ruat hi kum tin kan hmang thin tawh a, a pawimawh zawk erawh chu tuialhthei leh boruak chi hrang hrang hmang raltute lamah hian a ni, a ti. Nitina kan thil mamawh oil leh gas te hi ram pawn atanga chawk luh vek an nih avangin Mizoram bik tan phei chuan thil hlu leh renchem ngai ngawih ngawih an ni a. Kum kal ta atang khan Department-a thawktute inpekna leh IOC, Pump neitute leh gas distributor te nena thawhhona that avangin heng kan thil mamawhte hi tlachham leh mualpho lutuk lovin vawiin thlengin kan awm thei a, amawerawhchu thil ral chak leh renchem ngai a nih hi hre renga mipuiten theihtawp kan chhuah reng a tul a ni, a ti. Mualkhang-a eirawngbawlna gas sawngbawlna hmun chu tihhlen tum mek a ni a, amaherawhchu Company lamah harsatna tenau engemaw avangin tun thla atanga hna tan tura tih chu la khaihlak hlek a ni chungin April thlaah erawh chuan peih fel beisei a nih thu a sawi a. Mi tute emaw duham leh pamham lutuk avanga kan rama oil pawlh dal hluar ta lutuk chu Minister chuan sawichhuakin a tihremna kawngah mi zawng zawng tangrual turin ngenna a siam bawk a ni.
FCS&CA Secretary Pu K.Riachho, IAS pawhin thu sawiin heng mipui mimir mamawh oil, gas leh kerosene oil te hi sorkar laipuiin nasa takin a man a tihhniam (subsidised) avanga man tlawm taka lei thei chauh kan ni a, chuvangin sorkar chuan mipuite mamawh a phuhruknaah hian sum tam tak a hlauh zawk a ni, a ti a. Renchem taka kan hman hi a bata kan bat a ni zawk, a ti.
Vawiin inkhawmah hian FCS&CA Department, Consumers’ Union, Indian Oil Corporation leh Transport Department atangte in renchem pawimawhna thusawi ngaihthlak a ni a. School naupang leh sawm bikte an kal tha hle a ni.
FCS&CA Secretary Pu K.Riachho, IAS pawhin thu sawiin heng mipui mimir mamawh oil, gas leh kerosene oil te hi sorkar laipuiin nasa takin a man a tihhniam (subsidised) avanga man tlawm taka lei thei chauh kan ni a, chuvangin sorkar chuan mipuite mamawh a phuhruknaah hian sum tam tak a hlauh zawk a ni, a ti a. Renchem taka kan hman hi a bata kan bat a ni zawk, a ti.
Vawiin inkhawmah hian FCS&CA Department, Consumers’ Union, Indian Oil Corporation leh Transport Department atangte in renchem pawimawhna thusawi ngaihthlak a ni a. School naupang leh sawm bikte an kal tha hle a ni.
