Mizoram Forest Service Association General Conference vawi 12-na chu Environment & Forests Department Conference Hall, Tuikhuahtlang, Aizawl-ah neih a ni. Conference hi zing dar 10:30 ah tanin MFSA President Pu C.Lalbiaka, DFO, Khawzawl in a kaihruai a. General Report leh Financial Report kimchang ngaihthlak a nih hnuah Rorel tan a ni. An Association kalzel dan tur hrang hrang bakah Department leh Sorkar kalphung khawih thu pawimawh tak tak an rel a ni.
Mizoram Forest Service Association General Conference vawi 12-naah hian Thupui thlanbik - theme an nei a. Kumin a theme chu "Transformation in Conservation Strategy" tih a ni. Pu L.R. Thanga, Chief Conservator of Forests, Chief Wildlife Warden chu resource person a ni a, Environment humhalh kawngah leh Department in tun a hna a thawh mek kalphung pangngai baka khawvel ram changkang zawk a hma an lak dan leh chutiang ang chu kan rama hman ve dan tur zirhona hun an hmang a ni.
Conference kharna inkhawm hi tlailam dar 5:00 ah neih a ni a, he hun hi Pu H.Rohluna, Minister, Environment & Forests in khuallian niin a hmanpui a ni. Minister chuan State Forest Service member te chu ram neitu tak tak an nih avangin thahnem ngai taka hna thawk chhunzawm zel turin a chah a. Central Sponsored Scheme hnuaia hmalaknaah Sorkar laipui duh dan ang taka kalpui anih theihna tura theihtawp chhuah turin a fuih bawk a ni. Tin, Minister chuan Conference thurel hrang hrang a hriat in Sorkar leh Department hmangai taka ro an rel avangin lawmthu a sawi a. Sorkar a bawhzui ngai awm apiangah theihtawp chhuahpui a intiam bawk a ni.
He Conference kharna inkhawm ah hian Dr.S.S. Garbyal, PCCF & Secretary, Pu R.C. Thanga, Additional PCCF, Pu L.R.Thanga CCF leh senior officer dang thahnem tak an tel a, kum 2010-2012 chhunga Association hruaitu tur thlanna an nei nghal bawk a ni.
Conference kharna inkhawm hi tlailam dar 5:00 ah neih a ni a, he hun hi Pu H.Rohluna, Minister, Environment & Forests in khuallian niin a hmanpui a ni. Minister chuan State Forest Service member te chu ram neitu tak tak an nih avangin thahnem ngai taka hna thawk chhunzawm zel turin a chah a. Central Sponsored Scheme hnuaia hmalaknaah Sorkar laipui duh dan ang taka kalpui anih theihna tura theihtawp chhuah turin a fuih bawk a ni. Tin, Minister chuan Conference thurel hrang hrang a hriat in Sorkar leh Department hmangai taka ro an rel avangin lawmthu a sawi a. Sorkar a bawhzui ngai awm apiangah theihtawp chhuahpui a intiam bawk a ni.
He Conference kharna inkhawm ah hian Dr.S.S. Garbyal, PCCF & Secretary, Pu R.C. Thanga, Additional PCCF, Pu L.R.Thanga CCF leh senior officer dang thahnem tak an tel a, kum 2010-2012 chhunga Association hruaitu tur thlanna an nei nghal bawk a ni.
