Oil & Gas renchem nana hriattur tul thenkhat te:
GAS :
1. Gas stove i hman hmain i rawngbawl turte ruahman fel hmasa thin ang che.
2. I thil chhumna bel chu tha takin chhin thin ang che.
3. Meiin i bel mawng tha tak leh kim taka a hliau theih nan bungbel mawng zawl lam chi hmang uar ang che.
4. Gas thuk burners uluk tak leh ngun takin ti fai thin ang che.
5. ISI chuang ni lo gas stove ai chuan ISI chuang ngat stove i hman chuan 15% velin gas i renchem thei dawn tih hria ang che.
6. Gas stove a burner lian zawk aiin a burner te zawk i hman hian 6-10% velin gas a renchem zawka amaherawh chu hun a duh rei deuh tih mai a ni e.
7. Rice, dal leh be lam chite hi i chhum hmain chiah puam hmasa la, 22% zetin gas hmanral a tlem thei a ni.
8. Chawhneh tui tur a tawk chauha leih thin ching la, a lo tuiin a hang zawk bawk a, gas a renchem theih em em a ni.
9. I thil chhum a lo so chhuah tawh chuan a mei alh kha ti hniam thin la, 35% zetin gas i renchem thei ang.
10. Pressure cooker hman uar hian gas nasa takin a renchem theih a ni.
OIL :
1. A hun tak leh dik takin i motor brake leh clutch hman ching thin ang che.
2. I motor air filter kha ngun takin tifai thin ang che.
3. Second 15 aia rei din tulna a lo awm anih chuan i engine switch off thin ang che.
4. Kal tumna inanga motor hran hran a kal ai chuan a huhoa kalho remchan dan dap khawm thiam thin ang che.
5. Tul lo chunga load lak belh vak chin hian oil a ti hek thei hle a ni tih hria ang che.
6. I motor company in lubricating oil hman tur an tih chauh hman hram hram tum thin ang che.
7. I tyre pressure ngun takin enfiah thin la, a lo mar lutuk emaw a lo thep lutuk emaw hian oil a eihek bik a ni tih hria ang che.
8. Gear dik takin motor khalh thin la, gear dik lo a motor khalh hian 20% zelin oil a eihek bik a ni tih hria ang che.
9. I motor engine kha hna thawk tlakturintha takin enkawl thin la, engine tha lo hian oil a eihek em em a ni tih hria ang che.
10. Chak lutuk emaw muang lutuk emaw a tlan hian oil a eihek zual thei a, zirchianna atanga a lan dan chuan darkar khat-a KM 45 atanga 55 vela tlan hian oil a renchem theih ber a ni tih hriat chhuah a ni.
