Vawiin dar 3:00 pm khan Pu H.Liansailova, Minister, Agriculture Deptt hovin Oil Palm Advisory Committee member te leh loneitute aiawhte an thukhawm.Loneitute thlai thar hralhchhuahna tur leh Factory-te dinna turin Sawrkarin Company-te thuthlung (Memorandum Of Understanding) a ziahpui.Oil Palm Advisory Development Programme hi Mizoram-ah 2005 atang khan tan tawh niin Lunglei, Kolasib, Serchhip, Mamit leh Lawngtlai Districts  ah te hmalak mek a ni.Tunah hian ram hectares 6251 ah Oil Palm hi chin tawh niin kum 2010 chhung hian hectares 2500 ah chin belh tum a ni.

 

 

Vawiin Advisory Committee a thu pawimawh ngaihtuah te chu: 1.District hrang hrang a Oil Palm chin kawnga hmalak dan leh tun dinhmun te. 2. Kum 2010 chhunga hmalak mek dan leh Oil Palm Area Expansion atan a Chakma Autonomous rin luh tum chungchang. 3. Oil Palm chinna tur hmun uluk thlan dan tur te. 4. Company ten Oil Palm Factory an din dan tur chungchang. 5. Kum 2011 chhunga Oil Palm chinna area atana ruahman hectares 3500 chungchang te an ni.

Vawiin a Oil Palm Adisory meeting ah hian Pu.KS Thanga, Parliamentary Secretary, Pu Lalduhawma, MLA, Pu K Lalrinthanga, MLA, Pu Hmingdailova Khiangte, MLA, Pi L.Tochhong, IAS, Principal Secretary, Sawrkar mipawimawh thenkhat leh loneitute aiawh bakah Company lam hotu pawimawh te an tel a ni.