Vawiin khan Secretariat Conference Hall-ah Mizoram State AIDS Control Society Governing Board-te an Chairman Pu Lalrinliana Sailo, Health Minister hoin an thukhawm a; kumin 2010-2011 chhunga hmalak dantur ruahmanna hrang hrangte an sawiho.
He Meeting hi Pu Lalrinliana Sailo in a kaihruai a, khawvel leh Mizoram pawhin a manganna kan tawh mek leh min run mektu AIDS hi hun kal tawh atang khan nasa takin kan beilet tawh a. Chutichung chuan min run nasa tulh tulh mai si a, hei hi Sorkar leh MSACS te chauhin do rem chi pawh a ni lova, mi zawng zawngin tangruala nasa taka kan do let hneh loh chuan kan hnam tan ralna a tling dawn a ni tiin mi zawng zawng tanrual puiah a sawm a ni.
He Meeting-ah hian MSACS Project Director Dr. Eric Zomawian nikum chhunga hmalakna hrang hrangte chipchiar takin Report a pe a; kumin 2010-2011 chhunga hmalak dan tur hmachhawp leh sum ruahmante a pharh a. Member ten uluk taka thlirin hmalak tawhnaah lawmawm an ti tlang a; hmachhawp atana ruahmanna lo duan tawhte an pawm nghal bawk. Kumin hian National AIDS Control Organisation atangin Cheng Vaibelchhe 16.38 hmuh a ni a, heta tang hian chak zawka hmalak chhunzawm zel a ni dawn a ni.
Kumin March thla thleng khan Mizoram-ah thisen Test mi 1,02,974 ah mi 4,381 in HIV hrik an kai a hmuhchhuah a ni a. AIDS natna a damlo mi 414 awmin mi 168 AIDS vangin an thi tawh a ni. Kumin March thla chhung ringawt khan mipa 78 leh hmeichhia 43 in HIV hrik hmuhchhuah a ni a; heng zinga a tam ber chu mipat hmeichhiatna hman avanga kai an ni.
He Meeting-ah hian Mizoram dinhmun uluk takin an thlira tlakhniam lam aiin HIV kai an pun zel avangin mitin Kohhran leh NGO zawng zawngte a do tura tan la tlang turin an sawm a ni. He Meeting-ah hian Parliamentary Secretary Pu S. Laldingliana pawhin a telpui a ni.
He Meeting-ah hian MSACS Project Director Dr. Eric Zomawian nikum chhunga hmalakna hrang hrangte chipchiar takin Report a pe a; kumin 2010-2011 chhunga hmalak dan tur hmachhawp leh sum ruahmante a pharh a. Member ten uluk taka thlirin hmalak tawhnaah lawmawm an ti tlang a; hmachhawp atana ruahmanna lo duan tawhte an pawm nghal bawk. Kumin hian National AIDS Control Organisation atangin Cheng Vaibelchhe 16.38 hmuh a ni a, heta tang hian chak zawka hmalak chhunzawm zel a ni dawn a ni.
Kumin March thla thleng khan Mizoram-ah thisen Test mi 1,02,974 ah mi 4,381 in HIV hrik an kai a hmuhchhuah a ni a. AIDS natna a damlo mi 414 awmin mi 168 AIDS vangin an thi tawh a ni. Kumin March thla chhung ringawt khan mipa 78 leh hmeichhia 43 in HIV hrik hmuhchhuah a ni a; heng zinga a tam ber chu mipat hmeichhiatna hman avanga kai an ni.
He Meeting-ah hian Mizoram dinhmun uluk takin an thlira tlakhniam lam aiin HIV kai an pun zel avangin mitin Kohhran leh NGO zawng zawngte a do tura tan la tlang turin an sawm a ni. He Meeting-ah hian Parliamentary Secretary Pu S. Laldingliana pawhin a telpui a ni.
