Vawiin khan Kolasib District chhunga Oil Palm chingtu mi 10 hnenah District Agriculture Office, Kolasib chuan Oil Palm rah lawhna khawl changkang tak a pe.

Heng Oil Palm lawhna tehi DAO Office kudam atanga la chhuakin farmer te hnenah hian hlan a ni a, Kolasib DAO Pu R. Lalnunzira leh a hoten an hlan a ni. Khawl hi petrol hmang a niin mihringin a ah na hrui hmanga ak in Oil palm kung sang tak ami pawh lawh theihna tur a ni. Khawl pakhat man hi cheng nuai khat a tling a ni.

Kolasib District chhunga Oil Palm chingtute zingah hian kum 2005 atanga lo ching tan tawhte an awm nual a. Chin hmasakte chu an kung a san tawh avangin mihring kut tha hmanga lawh harsa takte an ni a. Heng harsatna te thlir hian sawrkar chuan farmer te hmakhua ngaihtuahin a lawhna khawl hi a ngaihtuahsak ta a ni. Farmer te Agriculture Department leh sawrkar chungah an lawm hle. Hetih lai hian Bukvannei-a Oil Palm herna khawl, Godrej Agrovet Private Ltd.-in an bun pawh zawh tep a ni tawh a, March thla khi chuan zawhfel beisei a ni.