Nimin khan sorkar laipui a Joint Secretary (Technology Mission on Oil Palm)Pu Anindo Majumdar, IAS, chuan Mizoram a Oil Palm hmalakna te zir chiang turin Aizawl a lo thleng a. Pu Anindo Majumdar, IAS, chuan Lengte khuaa oil palm chinna hmun a tlawh nghal a. Tlai lam khan Pu H. Liansailova, Agriculture Minister hovin a office chamber ah sorkar mi pawimawh te leh company te nen Mizoram a oil palm hlawhtlin dan turte leh ruahmanna hrang hrang te an sawi ho nghal a ni.
Pu Anindo Majumdar chuan Oil Palm rah sawngbawlna tur Factory chu Mizoramah din anih theih nan arang thei ang bera hma la turin kal khawm te a chah a. Vawin khan Kolasib district chhunga Oil Palm chinna hmunte leh Factory dinna tur hmun hmate a enfiah bawk.
