Vawiin khan UD& PA Secretary Dr. C. Vanlalramsanga hovin a pisaah Ola Cab Service Aizawl khawpuia lakluh chungchangah meeting neih a ni a. Meeting-ah hian  Traffic  SP, AMC, UD&PA Department, leh Transport Department hotute an tel a ni.

Meeting hi UD &PA Secretary-in kaihruaiin mipuiin hetiang ang Cab service ko lut tura sawrkar hnena an thlen tawh thin angin UD&PA department in an bawhzui anih thu a sawi a. Meeting ah hian Ola  lam atangin Territory Manager Pu Dibjyoti Hanse leh a hote chuan Aizawla Ola Cab Service kalpui an tum dan, mipuite tana tangkaina tur te leh awlsam taka mobile phone app hmangin taxi an koh theih tur thu an sawi a. Ola Cab service chu Aizawlah hlawhtling taka kalpui dan tur meeting-ah hian ngaihtuahin hmalakna tur hrang hrang an rel  nghal a ni.

Aizawl khawpuia Ola Cab Service lakluh tur hi Traffic Jam Free Aizawl kalpui zelna hnuaia UD&PA hmalakna a ni a, motor leibelh emaw lakluh belh ngailova motor omsa hmanga kalpui tum a ni a. Ola Cab Service hmang hian traffic jam ti ziaawmin Aizawla taxi rate mumal zawka kalpui theih anih beisei a ni.

Attachment

  • Loading attachment...