146/2022-2023
Aizawl 13th April 2022: Vawiin khan Mizoram Social Defence & Rehabilitation Board (SLCA), Social Welfare & Tribal Affairs Department, Government of Mizoram leh National Institute of Social Defence, Ministry of Social justice & Empowerment, Government of India tangkawp chuan Mizoram Hindi Training College, Durtlang ah ‘One day awareness generation on drug abuse prevention’ programme buatsaih a ni a, Programme hi chawhnu dar 1:00 PM ah tan niin, college naupang 150 vel leh zirtirtu te an tel a ni. He programme hi Mizoram Hindi Training College NSS Unit ten an buaipui a ni.

Zirlai naupangte hnenah ruihhlo hman that loh chungchangah zirtirna pek niin, ruihhlo laka mahni inven theih dan tur kawng hrang hrang zirtir an ni a, zirlai ten programme hi an hlut hle bakah zirlai thahnem tak ten ruihhlo ti lo turin an intiam bawk a ni.

Mizoram Social Defence & Rehabilitation Board (SLCA), Social Welfare & Tribal Affairs Department, Government of Mizoram hian kawng hrang hrangin drug demand reduction programme hi a kalpui a, school leh college hrang hrangah te ruihhlo chungchangah zirtirna te neiin hun an hmang thin a, thalai-te Ruihhlo ti lo tura zirtir (Early Prevention) leh tanpui ngai an nih chuan tanpuina hmun hrilhhriat a hruai thlen thlengin hma an la thin a ni.