Vawiin khan One Day Orientation Training of Staff Nurse on National Programme for Prevention and Control of Deafness (NPPCD) chu DHS Conference Hall, Dintharah neih a ni. He hunah hian Dr. K. Lalbiakzuala, Mission Director, National Health Mission chu khuallian niin Dr. Eric Zomawia, State Nodal Officer, NCD chu Chairman a ni a, Dr. Lalthanmawii Khalthang, Consultant hnen atangin Powerpoint Presentation hmangin NPPCD kalphung ngaihthlak a ni bawk.

Vawiina training neihah hian Beng lam Specialist Dr. Zorengpuii, Dr. R. Lalnuntluanga leh Ms. Lalrinfeli, Audiologist and Speech Pathologist ten District pathum – Aizawl East, Aizawl West leh Lunglei atangin Staff Nurse 33 te chu Beng hriselna leh beng lam natna enkawl dan te, Bengdar chungchang zirtirna leh hrilhriatna an nei a. Beng na enkawl thatloh avanga bengngawnna lo awm theih dan leh bengngawng enkawl dan te uluk taka zir ho a ni bawk. He hunah hian Khuallian Dr.K.Lalbiakzuala, Mission Director NHM leh Dr. Chawngthansiami ten thu an sawi bawk a ni.

National Programme for Prevention and Control of Deafness hi kum 2007 atang khan India ram hmun thenkhatah chuan hman tan a lo ni tawh a. He Programme that zia an hmuhin a programme hi tihlen belh zel a ni a. Mizoramah pawh nikum August, 2014 atang khan bul tannin, tunah hian Mizoram District pathum (3) Aizawl East, Aizawl West leh Lunglei District ah te hman tan a ni.

He Programme hian hma nasa takin hma an la mek a, tunah hian Training chhawng 5-na hman mek a ni a. Tun kum chhungin Training chhawng 7 neih tum a ni. Health Worker te, ASHA (Accredited Social Health Activitist) te, NGO te pawh Training hi pek vek tur an ni a. Heng bakah hian Department dang – Primary Scool Teacher (School Education Department), Anganwadi Worker leh CDPO (Social Welfare) te pawh training la pek tur an ni bawk.

He Programme hnuaiah hian Health Team pathum an awm mek a. Team pakhatah hian Medical Officer, Audiologist, Audiometric Assistant leh Hearing Instructor for Hearing Impaired Children te an awm a. Tunah hian heng team te hi ENT Department, Civil Hospital, Aizawl-ah te, State Referral Hospital, Falkawnah te leh Civil Hospital, Lunglei ah te an awm.

He Programme in a tarlan danin India ramah hian bengngawnna hi a tam hle a, tunah hian mi 100 zela 6.3 te hi bengngawng niin mithiam ten an chhut a. He Programme-in a tum te chu Beng natna hrang hrang a hma thei ang bera hmuh chhuah a, enkawl dam hi a ni. Hei hian nasa takin kan rama bengngawnna hi a ti hniam thei dawn a. Beng enkawl fai leh uluk pawimawhna te mipui ten kan hriat hi a pawimawh hle a, beng a kherh a Doctor emaw Health Centre hnai bera kal vat tura inzirtir hi he Programme chuan a ngai pawimawh hle. Hei bakah hian beng lama harsatna neite tana inenkawlna tha tak an neih theih nan Hospital te tih changtlun belh hi a tum a ni bawk.

Beng na hi a hun taka enkawl anih chuan benngawnna a thlen hmain a tihdam theih a ni.