Vawiin khan One Day State Level Seminar on Human Rights chu Govt Mamit College bultumin Chhimveng YMA Hall- Mamit ah hman a ni a. Pu K. Lalthawmmawia District Bawrhsap chuan khuallian niin a hmanpui.

Seminar hmanpuitu Pu K. Lalthawmmawia chuan Human Rights pawimawhna leh mihring lo piangchhuak reng reng ten dikna chanvo an neih vek thute leh midangte dikna chanvo zahsak chu kan tihtur a nih thu a sawi a, Human Rights bawhchhiatna ram nuam a awm ngai lo a, khawvel huap pawha ngaihpawimawh a ni a ti. kan mimal nun theuhte kan inzahsak tawn a, midangte tana harsatna siamtu nih ai chuan malsawmna thlentu nih theuh tum turin kalkhawm te a sawm a ni.

Technical Session hun hman a ni a, Resource Persons Pali (4) Dr J. Doungel (HOD) Department of Pol. Science MZU, Pi Vanramchhhuagi Activist Human Rights, Pi Julie Lalrinzami Senior Civil Judge leh Pu C. Lalnunmawia MPS S.P Mamit ten Human Rights chungchanga Topic hrang hrang thlanchhuah hmangin thu an sawi a, chawhnu lamah sawihona hun hman zui niin zawhna leh chhanna hun hman a ni a, Resourse Persons ten zawhna te an chhang bawk a ni.

Vawiin One Day State Level Seminar on Human Rights hmanna ah hian NGO’s pawl hrang hrang te bakah College naupangte an tel a ni.