4121/2023-2024

Dated Siaha 11th March 2024 : Vawiin chawhma dar 10 khan Accounts & Treasuries, Southern Zone, Mizoram buatsaihin 'One Day Training On Pension and Other Retirement Benefits for All DDOs and Dealing Officials Under Jurisdiction of Siaha Treasury' chu I&PR Conference Hall, Council Vaih, Siahaah neih a ni.

Pu Thara Lungtau, Joint Director, Accounts & Treasuries, Southern Zone, chuan kalkhawmte lawmna leh trainning buatsaih a nihna chhan sawifiahna a nei hmasa a. Department hrang hranga DDO leh pension lam khawihtute chu hun tha tak hmang turin duhsakna a hlan nghal a ni. Pension khawihtu bakah DDO- ten an hriat tur tam tak a awm thin a, DDO ten uluk taka training an neih chuan an hnathawhna kawngah a puih hle dawn a ni, a ti. A bik takin Pension lam khawihtute chu sawrkar hnathawkte innghahna lian tak an nih avang leh Pension- chungchangah harsatna an tawh lohna tur leh awlsam zawka an hna an thawh theihna turin tha taka training hun hmang turin a sawm a ni.

Vawiin training- ah hian thupui pawimawh tak tak pahnih hmangin training neih a ni a. 'Superannuation Pension & related matters ( including voluntary & invalid)' tih thupui hmangin Pu PC Lalrammuanpuia, Audit & Account Officer, in training neihpuiin, Pi C. Laldingliani, Audit & Account Officer, chuan 'Family pension including passover & related matters' tih thupui hmangin training a neihpui bawk a. Zawhna leh chhanna hun hman nghal zel niin, vawiina kalkhawmte hian an hlawkpui hle a ni.

Vawiin training- ah hian Pu Beihrosia Syuhlo, Treasury Officer, Siaha chuan lawmthu sawina neiin hun a khar a, training a kalte hnenah hian 'Certificate' hlan nghal a ni bawk.