Vawiin khan Agriculture Department Committee Room-ah  loneitute sum lakluh tihpun dan tur ngaihtuah hona “One day Workshop on Doubling Farmers Income by 2022” neih a ni a. He hunah hian Agriculture Department Secretary Pu Lalhmingthanga IAS, chu khuallian a ni.

Pu Lalhmingthanga chuan Mizorama district tinah District Level Coordination Committee for Doubling Farmers Income by 2022 din ani tawh chu lawmawm a tih thu a sawi a. Sawrkar laipui hmachhawp ‘Doubling Farmers Income by 2022’ ti hlawhtling turin sawrkar scheme dangte nen thlunzawma hma lak zel a nih tur thu a sawi bawk a ni.

Dr. B.C Deka, Director ATARI, ICAR, Zone-VII, Barapani, pawhin thu sawiin India hmarchhak(north-east)ah KVK 85 siam anih tawh thu leh Mizoramah KVK pariat siam a nih tawh thu a sawi a. KVK tinah hian khaw pakhat zel thlanchhuah niin kum 2022 ral hma ngeia  heng khuaa loneitu te sum lakluh tihpun hi an tum anih thu a sawi a ni.

Sawrkar laipui hmachhawp ‘Doubling Farmers Income by 2022’ kalpui naah Indian Council of Agricultural Research (ICAR) chuan hmahruaiin State Level Coordination Committee on Doubling Farmers Income by 2022 pawh Mizoram leh India ram State hrang hrangah a lo siam tawh a. Mizoramah hian District Level Coordination Committee on Doubling Farmers Income by 2022, Deputy Commissioner Chairman na hnuaiah district tinah siam vek a ni tawh bawk.

Workshop-ah hian District tina KVK te chuan an mahni awmna district theuha khaw thlan bik (adopted village) chhunga loneitu ten  agriculture atanga hlawkna an neihte tun aia a lo tam theihna tura hmachhawp hrang hrang an siamte chu workshop-ah hian thlirho niin hmalak dan tur (action plan) siamte chu  ICAR Scientists leh line department officers te nen sawihona hun hman a ni. KVK hrang hranga adopted village-te chu :

“One Day Workshop on Doubling Farmers Income by 2022” hi Agriculture Department (Research & Extension); Agriculture Technology Application Research Institute (ATARI), Zone-VII, ICAR, Barapani leh ICAR tangkawpin an buatsaih a ni a. Pu J. Lalzamliana Director, Agriculture Department chuan kaihruaiin district hrang hranga KVK scientist te, Agriculture Department leh Line Department Officers thahnem takin he programme hi an hmanpui a ni.