Vawiin khan PHE Department leh NEIDA buatsaihin “One Day Workshop on Sanitation and Safe Drinking Water Promotion” chu Chaltlang YMA Hall-ah hman a ni. He workshop hi Er. Lalmuanzova, E-in-C, PHED khuallian niin a hawng a, Faina leh thianghlimna atana tui thianghlim neih a pawimawh zia leh chumi atana PHED mai bakah NEIDA (TATA Trusts) ten theihtawpa hma an lakna rah chu Mizoram mipuiin an seng mek a ni a ti. He workshop hi Aizawl District chhunga Village Council leh VWSC te tana buatsaih a ni a. Er. Lalsanga, EE, PHED-in inkhawm kaihruaiin Er. C. Lalunghnema, CE PHE, Mission Director, SBM(G). Er. K. Zohmingliana, Sr. EE, PHED leh SBM (G) State coordinator bakah Pu PC Biakmawia, Chief Chemist, SRI, PHED ten thu an sawi.

NEIDA (North East Initiative Development Agency) TATA Trusts atangin NI. J. Zorinmawii, District Coordinator chuan Swachh Filter sawifiahna leh a taka entirna a nei a. NEIDA-in India hmarchhak leh Mizoram tana a hnathawh tlangpuite tarlanna a nei nghal bawk. NEIDA hian Mizoram thingtlang khua ami ten Filter tha (Swachh Filter) man tlawm zawka an lei theih dan tur leh VC/VWSC kal tlanga a hlawma an pek chhuah dan turte sawifiahna neih a ni nghal bawk. Hetiang hian TATA Trusts chuan India ram hmun dang bakah Mizoram thingtlang khuate tihchangkan nan kawng hrang hrangin an luang chhuak mek a ni.

He workshop hi PHED officers engemawzat leh Staff bakah NEIDA Officers leh staff ten an hmanpui, Pu B. Lalrinkima State Programme Co-ordinator, NEIDA chuan lawmthu sawiin inkhawm a khar.