Vawiin chawhma dar 11:00 AM khan District Urban Development Officer, UD &PA Department buatsaih in Convention Centre ah One day workshop on sanitation volunteers (SV) tith Mizo Upa Pawl, Hqrs Lunglei chu Pu J.Lalthafamkima, MPS, Superintendent of police, Lunglei chuan khuallian ni in a hmanpui.

Inkhawm hi Pu.H.Lalmuankima, ASO, UD&PA Department in kaihruai in Pu J.Lalthafamkima chuan thu sawi in UD&PA Department leh Mizo Upa Pawl, Sub Hqrs Lunglei ten Lunglei khawpui a lo fai zawk theih nan ruahmanna tha tak a siam avangin lawmawm a ti a. Hna hi a thawktu a zir hian a zahawm a, upa ten kutkawr bun a khawlai an thenfai chuan mi nazawng in an tihbalh sak leh a rin loh thu a sawi. Upa ten faina kawng ah hma in lak chuan kan thalai ten in hnung an zui ka beisei a ni a ti. Upat avangin awm mai mai lovin ram leh hnam tan a tangkaina an neih te hmang turin a chah a ni.  Khawtlang rawngbawlna kawng a ke in pen avangin malsawmna in dawn ngei ka beisei a ni a ti bawk.

Pu Andrew Lalhruaia, DUDU, UD&PA Department pawhin thu sawi in Japanese upa te hian Mizo ang takin kum upat hnuah ram leh hnam tan tangkaina an zawng nasa hle a, upa te leh thalai te faina kawnga kan tanrual chuan kan khawpui a lo fai thei a ni. Indai ram ah kum upa te nena faina kawng a thawhhona neih hi a hmasa ber a nih a ring a, thangthar te tan a entawntlak in Lunglei khawpui fai zel nan Japan upa ten an tih theih chu Mizo upa te hian kan ti thei a ni a ti.

Pu Eddie Zonunkima, SDS, UD&PA Department in UD&PA Department leh MUP Hqrs, Lunglei te thawhhona leh hmalak dan tur te sawi fiahna a nei a, sawi hona hun hman nghal a ni bawk.