No.6757/2020-2021
Aizawl, the 3rd December 2020 : Food, Civil Supplies & Consumer Affairs Department chuan ‘One Nation One Ration Card’ chungchangah mipuite hriat atan a hnuaia thu hi an tarlang.
1. India ramah One Nation One Ration Card kalpui a ni ta a, hemi hnuaiah hian NFSA (AAY&PHH) card neituten online Fair Price Shop (FPS) atangin khawi hmunah pawh biometric authentication hmangin an ration quota an la thei tawh a ni. FCS&CA Department Mizoram chuan Mizoram pawn leh chhung ami te he One Nation One Ration Card hmang tangkai tur hian a sawm vek a ni.
2. National Portability kalpui mek hnuaiah hian Mizoram chhung a NFSA beneficiaries te - AAY leh PHH te hi India ram puma Portability hmang thei tur an nih avangin ngaihpawimawh hmasak an ni. National Portability hlawhtling taka kalpui anih theih nan hian Ration Card leh Aadhaar number thlunzawm ngei ngei a ngaih avangin Aadhaar number la neilo beneficiaries ten Aadhaar number neih vat leh Ration Card a thlunzawm hi an mawhphurhna a ni.
3. Tun dinhmunah hian India ram chhung a State / UT 26 ah he National Portability hi hman a ni tawh a, Mizoram chhunga NFSA hnuaia Ration Card (AAY & PHH) nei. an Ration Card leh Aadhaar Card te thlunzawm fel tawh te chuan he hamthatna kaltlang hian State dang he Portability hmang ve te hnenah, an ration quota an khul thei tawh a. Hetiang vek hian NFSA Ration Card nei State dang a mi te pawhin Mizoram chhung a Fair Price Shop internet signal nei tha (District tina Retailer thlanchhuah bik) te hnen atang in ration quota an la thei bawk a ni.
4, National Portability 'One Nation One Ration Card' hi Aadhaar leh Ration Card thlunzawm tawh NFSA hnuaia Ration Card neiten e-Pos machine online a hmanna Fair Price Shop ah he hamthatna hi an hmang thei a, Ration Card holder in a lakna Fair Price Shop leh hmun hran (Inter-State) a a quota a lakna turah pawh Online Shop kalpui ve tho FPS dealer te anih a ngai.
5. Mizoram chhunga Non-NFS A Ration Card holder te tan pawh, ram chhung khawi hmunah pawh Ration quota an lak theihna tur (Intra-State Portability), Mizoram chhung atan a inthlunzawm a hman tura kalpui anih avangin Aadhaar leh Ration Card thlunzawm ngei ngei a ngai bawk a ni. Amaherawhchu, tunlai hrileng avangin mipuite himna ngaihtuah chungin ruahmanna fel tak siamin SOP zawmin kalpui tur a ni.
6. He National Portability hmangtute chuan turn khatah an ration quota 50% an la thei a. Hei hi thla chanve hma lam chhungin a ni a, hmun dang atanga an quota hi lak then a nih loh chuan thla chanve hnulamah an quota la bang te an la zo thei ang.
