No.6755/2020-2021
Aizawl, the 3rd December 2020 : Animal Husbandry & Veterinary Department chuan PPRS chungchangah a hnuai ami angin thuchhuah an siam.
Mizorama kan lo tawnhriat tawh, kum 2013, 2016 leh 2018 ah te vawk natna chi khat, Porcine Reproductive and Respiratory Syndrome(PRRS) avanga Mizoramah vawk tam tak an thih thute, khaw thenkhatah phei chuan thlan zau tak laih niin a hlawm hlawma phum an nih hialte, PRRS avanga khawchhak vawk lakluh khap a nih dante, tualchhunga vawk sang tel an thih avanga vawksa ei tur van zia te kha kan la hre awm e.
Tun hunah hian Vawk pul hri hlauhawm tak African Swine Fever (ASF) chu Myanmar leh thenawm state - Assam, Meghalaya leh Arunachal Pradesh ah te leng mekin, vawk tam takin an thihpui tawh a; heng state paltlanga vawk phurhte pawh Central sawrkarin a khap mek a ni.
He natna hri hi a enkawlna damdawi leh invenna (Vaccine) awm lo leh a vei zaa za (100%) thlenga thihpui theih, ram khata vawk population pawh suat mang vek thei khawpa hlauhawm a nih avangin Mizoram sawrkar pawhin a ngaipawimawh a, chuvangin The Prevention and Control of Infectious and Contagious Diseases in Animals Act, 2009 tlawhchhanin, vawk, vawksa hring leh a rep leh vawksa atanga thilsiam reng reng (frozen pork, etc.) lak luh khap tlat a ni.
Kan hma hunah Mizoramin vawk leh vawksa a kan intodelhna tur hriltu a nih hial theih avangin hengte hi Mizo mipuiten lo hriain sumdawngte pawhin he dan hi lo zawm theuh turin Animal Husbandry and Veterinary Department chuan a ngenin a hriattir a ni.
