Sports & Youth Services Department buatsaih “One Week Adventure Camp” December 8 - 13, 2014 chhunga Vaipuanpho Base Camp-a neih chu tun zirtawpni kalta (12.12.2014) khan Vaipuanpho Base Camp-ah kharna inkhawm neih a ni.

Kharna inkhawm Pi Lalengvari, Superintendent, Sports & Youth Services and Nodal Officer, NPYAD kaihruaiah Pu Zothankhuma, IAS, Sports & Youth Services chu khuallian niin Pu Lalzirmawia Chhangte, Director, Sports and Youth Services in keynote address a pe a, Pu Vanlalruata ,Adventure Organiser, Camp Leader ni bawkin Camp report a pe a, Pu Thankhuma, Dy. Director, SYS in lawmthu sawina hun a hmang bawk.

Khuallian chuan Youth Adventure Club member-te hnenah adventure lama an thiamna leh experience-te hmang thiam a, khualzin mite hip nan leh eizawnna atana hmang tangkai thiam turin a chah a, participant-te nen inpawh takin sawihona (interaction) hun an hmang. Function neih zawhah participant ten demonstration hmuhnawm tak an entir bawk. He Camp-ah hian Aizawl khawpui chhung College 7 atangin zirlai thahnem tak an tel a ni.

He programme hi Ministry of Skill Development, Entrepreneurship, Youth Affairs and Sports, Govt.of India hnuai scheme pakhat, National Proramme for Youth and Adolesent Development (NPYAD) in a sponsored a ni.