Online Company felhlelte laka mipuite an lo fimkhur zawka an inven theih nan hetiang hian Mizoram Police chuan thuchhuah a siam :
Tunlaiin online a sum peipunna awlsam tak ni awma lang mahse him si lo a awm nual tih hriat a ni a. A tlangpui in Direct Marketing Business Model hmangin product mumal siam nei si lovin downline member tur an zawng thin a. Company thenkhat chuan virtual currencies/crypto-currency/bitcoin etc a investment hlawk tak ti angte in an in sawi a eg. Adwazo, tin a then chuan Paytm Wallet, Freecharge, Mobikwik leh Airtel Wallet anga sumdawnna hlawk tak ti ang tein an insawi eg. EPC (Easy Pay Cash). Heng lakah hian mipuite fimkhur hle a ngai a ni.
Heng Online Company felhlelte nihphung tlangpui te chu :
1. Transaction tih nan Virtual Currencies Internet payment system – Apps Wallet, Bitcoin, Crypto-currency, Eryllium etc) an hmang uar hle. Conventional Currency (Direct Bank Transaction) te aia inthup a remchang zawk vang a ni.
2. An sumdawnna/scheme awihawm tak (business model that hmel tak) nei in an inghahna ber chu an scheme a mi thar lakluh a ni thung. Member Recruitment Drive hi an thupui niin an scheme innghahna a ni.
3. An scheme a lut turin member tharten pawisa, membership/enrolment fees an pek a ngai. Pawisa te hi duh huna lak chhuah theih a ni lova, harsatna an tawh pawhin hmuh let leh a har tawh thin.
4. Online Company-te hian Binary System hmangin downline (Left & Right side leg member) fel tak an siam thin.
5. Member-te hi hnathawh tur emaw a hming lekin an tuksak ve thin. Online ‘task’ a pek thin thenkhat te chu social media (Youtube, Facebook, Twitter, Instagram etc) a company product lo like te, subscribe te, video clip lo thlir te, downloads etc a ni thin.
6. Illegal business inthup nan an hman sumdawnna kalpui atanga hlawkna an hmuh aiin member thar an lakluh atanga an hlawkna tel a sang fe zawk thin. Scheme thenkhat ah chuan 70-80% hlawkna an tel hi membership thar an lakluh atanga hmu an ni.
7. Heng Online Company-te sumdawn dan hi chiahpuam ang kha a ni deuh ber a, member thar hruai luh tur hmu lovin lo tawp ta se, member tam ber, Pyramid mawng phah a awm te chu a tuartu ber an ni ang.
8. Heng Online Chiahpuam Company ho hi rei kal lovin an tluchhe leh mai thin. India khawpui zawkah phei chuan dan anga rorelsakin engemawzat an awm mek a ni.
9. Dan lova mipui sum khawn hi RBI Act, Company Act, MPID Act etc in a phal lova, a khuahkhirh tlat a, dan angin an chungah action lak theih a ni.
10. The Prize and Money Circulation Schemes (Banning) Acts 1978 Section 3 chuan hetiang sumdawnna felhlel tak Scheme-a pawisa chhunluh/dawn tura member (downline etc) recruit/enroll hi a khap tlat a, Section 4 hmangin kum 3 thleng lung in tan tir theih a ni.
