Deputy Passport Officer, Passport Seva Kendra, Aizawl chuan a hnuaia mi ang hian mipuite tan hriatirna a chhuah a ni :

Ni 26 May 2015 atang khan Passport Seva Kendra, Aizawl-ah ‘Online Passport Services’ hawn a ni tawh a, Mizorama atanga he Online Service hmanga passport dil duhte tan hriat tur pawimawh thenkhatte chu :

1. Passport thar emaw Renewal dil duhte chuan www.passportindia.gov.in ah online application an thawn tur a ni.

2. Application fee pawh online-a pek tur a ni a. He website hi user-friendly taka siam a nih avangin awlsam taka mahni in-register theih a ni. Zawhna i nei a nih pawhin he website kaltlangin chhanna i hmu zel thei ang.

3. He online system hian nasa takin passport dil chhung a ti tawi dawn a. Passport thar siam dilte tan ni 30 chhungin peihfel a ni ang a, Renewal ti duhte tan ni 15 chhunga tih felsak a ni bawk ang. Hetianga a ran theihna chhan chu police verification pawh online-a tih a ni tawh dawn a, a hmaa ni 15 vel nghah ngai thin kha ni 7 chhung leka tihfel theih tawh beisei a ni a. District hla zawk Lawngtlai leh Saiha atang pawhin awlsawm taka dil theih tawh dawn a ni.

4. Passport diltu chuan ama hming ngeia application a thehlut tur a ni a, application fee pawh amah ngeiin a pe tur a ni a, aiawh a hmang thei lovang.